वसमत
शहर प्रतिनिधी
कै .दीनानाथ मंगेशकर माध्यमिक विद्यालय सातेफळ येथील बाल रक्षक शामराव नारायण रावळे यांना क्रांतीज्योती सावित्रीबाई फुले शिक्षक गुणगौरव पुरस्कार जाहीर झाला आहे .पुरस्कार दिनांक 3 जानेवारी रोजी प्रदान होणार आहे .
रावळे सरांच्या कार्याचा गौरव व अभिनंदन श्री चैतन्य शिक्षण संस्था संचलित महात्मा गांधी माध्यमिक विद्यालय पूर्णा प्रकल्प वसाहत शाखा येथे करण्यात आला .यावेळी कार्यक्रमाच्या अध्यक्षस्थानी विद्यालयाचे पर्यवेक्षक श्री विकास मस्के सर उपस्थित होते .तसेच आनंद जाधव , शिवप्रसाद गुठे , देविदास गुडालोड ,नागेश कळणे, संजय उबारे व इतर मान्यवर यांच्या उपस्थितीत श्री रावळे सर यांचा सत्कार करण्यात आला .सत्काराला उत्तर देताना श्री रावळे सर यांनी पालावरच्या शाळेतील विद्यार्थ्यांना शाळेत प्रवेश करण्यासाठी व केलेल्या कार्याचा उल्लेख त्यांनी आपल्या भाषणामध्ये केला .
अध्यक्ष समारोप करताना विद्यालयाचे पर्यवेक्षक श्री विकास मस्के सर यांनी मनोगत व्यक्त केले .कार्यक्रमाचे सूत्रसंचालन व प्रास्ताविक नागेश कळणे यांनी केले तर आभार श्री देविदास गुडालोड सर यांनी मानले .
